Мектепалды дайындық сабақ жоспары: В дыбысы мен әрпі » ZHARAR

Сабақтың мақсаты: Балаларға В дыбысы мен әрпін таныстыру. В дыбыс бар сөздерге дыбыстық талдау жасата білуге үйрету. Әріптің баспа түрін жазғызу. Сурет арқылы өз ойларын жүйелі әңгімелеуге дағдыландыру. Адамгершілік қасиеттерін, білімге деген қызығушылығын қалыптастыру.
Түрі: жаңа сабақ
Әдісі: түсіндіру, сұрақ – жауап
Көрнекіліктер: В әрпінің баспа түр, кеспе әріптер, түлкі, Мақта қыз бен мысық» ертегісіндегі кейіпкерлер, шаблон суреттері

Сабақтың барысы:
І. Ұйымдастыру кезеңі
Психологиялық дайындық.

Мұғалім балаларды шаттық шеңберіне шақырады.
Қуанамын мен де,
Қуанасың сен де.
Қуанамыз достарым,
Арайлап атқан күнге.
Үлкенге де сіз,
Кішіге де сіз.
Қонақтарға құрметпен,
Бас иеміз біз.
— Қазір, балалар, қандай сабақ? ( сауат ашу)
— Сиқырлы тақтаның көмегімен сабағымызды бастаймыз.
— Мақта қыз бен мысық ертегісіндегі кейіпкерлерді(1 слайд)

ІІ. Үй тапсырмасын сұрау
— Бүгінгі сабақ ерекше болмақ. Ол үшін біз «Мақта қыз бен мысық» ертегісін Мақта қыз бен мысық» ертегісі бойынша 7 өткелден өтеміз. Мысықтың қатығын табуға көмектесеміз. Мысықпен бірге тапсырманы орындайық.
1 — сиырдың тапсырмасы: Өткен әріптер мен дыбыстарды есімізге түсірейік.
— Дыбыс дегеніміз не?
— Әріп дегеніміз не?
— Ю дыбысы қандай дыбыс, мысал келтір?
— Тағы сиыр не сұрайды?- Жапырақ
2 — теректің тапсырмасы: Перфокартамен жұмыс.
Әр оқушы дербес орындайды. ( суреттегі заттардың атына дыбыстық талдау жасайды, буынға бөледі

ІІІ. Жаңа сабақ
Сөйтіп мысық шаршады, ендеше, біз мысықты сергітейік.(Сергіту сәтін орындайық)
— Мысық сергіп алып, су іздеуге жолға шығады.
Алдарынан кім кездеседі?- Қыздар
3 — қыздардың тапсырмасы: Бүгінгі өтетін дыбыс пен әріп туралы білейік?
Ал осы жерде мысыққа мен көмектесіп жіберейін.
— Қане, балалар, «Құпия жұмыртқаны» ашу керек. Ішінде 1, 3 сандары жазылған кішкене қағаз шығады. Қағазда жұмбақ жазылған.
Қосылған бір мен үштің арасы.
Қандай әріп қарашы (В)
Олай болса, біздің бүгінгі өтетін дыбысымыз «В» дыбысы мен әрпі.
«В» дыбысын хормен айтқызу
«В» дыбысының таңбасын көрсетіп, дауыссыз дыбыс көк текшемен белгіленетіні айтылады.

IV. Сурет бойынша оқушыларды сөйлету
Тақтадағы ілінген сурет аттарын атату, буынға бөлдіру
Автобус, телевизор, вокзал, ваза
4 — дүкеншінің тапсырмасы: Жұмбақ шешу
1. Бір — бір қорап үйлер тіркесіп,
Қос сүйреумен әрі бері жүр көшіп.
(вагон)
2. «Хош келдіңіз» — ұраны,
Бір сөнбейді шырағы.
Жұрттың бәрін қарсы алып,
Шығарып салып тұрады.
(Вокзал)

Сергіту сәті.
— Ал, балалар, дыбысымен, әрпімен таныстық, енді осыны дәптерге көркем етіп жазбас бұрын бойымызды сергітіп алайық.
1, 2, 3
Бойға жинап күш.
Қолға қалам аламыз,
4 пен 5 — ке жазамыз

V. Дәптермен жұмыс
5 — тауықтың тапсырмасы «В» әрпін жазып үйренейік. Ауада жазу. Жазу жолындағы әріптерді жазу. Ж ж әрпін балалардың әдемі, таза, сауатты жазуларын қадағалау.

VI. Ойын. «Сөз ойла, тез ойла»
6 — тышқанның тапсырмасы:. В дыбысына байланысты сөздер айту
В → велосипед, автобус, вагон вокзал, трамвай, ваза
Енді, мысық келген жолымен қайта қайтады да, дәнін ала отырып кері жүреді.
— Сонымен, ол Мақта қызға келгенде, оның тапсырмасы болып шықты.

VII. Сабақты қорытындылау
7 — Мақта қыздың тапсырмасы: Қандай дыбыспен таныстық?
В дыбысы қандай дыбыс?
В дыбысы сөздің қай жерінде кездеседі?
— Міне балалар, осыдан Мақта қыз мысыққа біреудің еңбегіне қол сұқпа, үлкендердің тілін ал, әдепті болып жүр деп ақылын айтыпты.
Ал, олай болса біздер қандай болуымыз керек?- Біз әдепті, алған затымызды уақытында қайтаратын, адал болуымыз керек! Сендер ақылды баласыңдар. Сау болыңдар.

VIII. Бағалау
— Балалар, өздерін күнмен бағалау.
Ойланайық бір мезет,
Бақылайық, байқайық,
Бірімізге — біріміз.
Күн шуағын сыйлайық.

— Оқушылар бүгінгі сабақ ұнады ма?
— Қандай жұмыс түрлері ұнады?
Сұрақ — жауап арқылы сабақтың өту барысы талқыланып, сабақ аяқталды.
Қуанышты хабарлама. Сабақта «Күліп тұрған күн» алған балаларды мадақтау. …..