Зиданның «Реалдағы» жалақысы белгілі болды

Испанияның El Confidencial басылымы франциялық бапкер Зинедин Зиданның мадридтік «Реалмен» жасасқан келісімшартының кей тұстарын біліп қойды, деп хабарлайды Zakon.kz Lenta.ru-ға сілтеме жасап.

Мадридке оралған француз жылына 12 миллион евро көлеміндегі жалақыға отырды. Түрлі бонустарды санағанда бұл сома одан да асып түсетіні анық.

2018 жылы клубтан кетпей тұрғанда Зиданның жалақысы 7,5 миллион евро болатын.

11 наурызда «Реал» Зиданды бас бапкер етіп тағайындағанын жариялады. Француз бір жыл өтпей жатып клубқа қайта оралды. Бұған дейін ол «Реалмен» үш рет Чемпиондар лигасының кубогын иеленген. 46 жастағы Зидан клубтың құрылымында 2014 жылдан бері жұмыс істеген. Алдымен жастар командасында, ал 2016 жылдан бастап бас командаға келген.

Telegram арнасындағы маңызды жаңалықтар «zakon.kz». Жазылу!