Жомарт Ертаев Астанаға жеткізілді

Жомарт Ертаев Ресейден Қазақстанда экстрадицияланды, деп хабарлайды Zakon.kz ҚР Бас прокуратурасына сілтеме жасап.

Ертаевқа өткен жылдың наурыз айында халықаралық іздеу жарияланған болатын.

Жомарт Ертаевқа 2011 – 2017 жылдар аралығында қызметтік бабын пайдаланып, өзге тұлғалармен астыртын келісім бойынша «BANK RBK» АҚ-дан 144 млрд теңге жымқырды деген айып тағылуда.

Ертаевпен бірге тағы 54 адам күдікке ілінген, оның 41-і топ-менеджерлер мен Банктің қатардағы қызметкерлері – бұдан бұрын экстрадицияланған Ибрагим Б., Мажинов И., Туғанбай Д., Едігенев Д., Мамырбеков А., Шәріпов Т. және басқалар.

Тергеу шаралары барысында 15 млрд теңге қайтарылып, 48 млрд теңгенің мүлігі бұғатталды.

Қазір арнайы прокурорлар іс бойынша тергеуді аяқтады, іске қатысушылар материалдармен танысуда.

Ертаев Астананың тергеу изоляторында қамауда отыр.

Telegram арнасындағы маңызды жаңалықтар «zakon.kz». Жазылу!