Жолды өз бетінше жөндеген ресейлік зейнеткер жауапқа тартылды

0
57

Ресейдегі Пермь өңірінің тұрғынына нөсерден соң лай басқан жолға тақтайша қойып, өз бетінше жөндемек болғаны үшін 5 мың рубль (77 доллар) айыппұл салынды.

Жергілікті полиция толтырған хаттамаға қарағанда, Пруддор ауылының тұрғыны зейнеткер Василий Ярков «жолды ластап, қауіпсіздікке қатер төндірген».

Бұл айыппен келіспейтінін айтқан Ярков шешім үстінен сотқа шағым түсірмек.

Істен соң жергілікті билік зейнеткер тақтай төсеген жолды «тегістеп, шетіне арық қазатынын» хабарлады. Шенеуніктер сөзінше, биылға бөлінген қаржының бәрі басқа салаларға бөлініп қойғандықтан, жолды толық жөндеу мүмкін емес.

Azattyq