Жол апатына түскен ерлі-зайыпты бір-бірінің қолынан жібермей қойды
Англияда егде жастағы ерлі-зайыпты жол апатына тап болды.
Қария көлікті басқара алмай, нәтижесінде көлік жолдан ұшып кеткен. Салдарынан 80 жастағы ерлі-зайыпты быт-шыты шыққан көлікпен ағаштардың арасында қысылып қалған. Оқиға орнына құтқару қызметі жетті. Олар гидравликалық құралдың көмегімен ерлі-зайыптыны көліктен шығарып алды.
Оларды зембілге жатқызған кезде, бір-бірінің қолынан ұстап жібермей қойған. Екеуі бірін-бірі жіберуден қатты қорқыпты. Қазіргі уақытта ерлі-зайыпты ауруханада жатыр. Олардың өміріне қауіп төніп тұрған жоқ.
Дереккөз: Stan.kz
