Жигули Дайрабаевтың екі ұлына сот алаяқтық жасағаны үшін жаза тағайындады

Мәжілісмен Жигули Дайрабаевтың екі ұлы алаяқтық жасағаны үшін шартты түрде жазасын алды.

Тараз қаласының № 2 соты алаяқтық жасады деп айыпталған төрт адамға қатысты қылмыстық істі қарады. Мәжіліс депутаты Жигули Дайрабаевтың екі ұлы сотталушылар орындығына жайғасты.

Соттың мәліметінше, Жамбыл облысы Ауыл шаруашылығы басқармасы басшысының орынбасары Еран Құлекеев, кәсіпкерлер Дидар Молдақалық пен Марат Дайрабаев (Мәжіліс депутаты Жигули Дайрабаевтың ұлдары), сондай-ақ Елибай Елжан субсидиялау ережелерін бұзған.

Сот «Жамбыл облысы әкімдігінің ауыл шаруашылығы басқармасы» ММ басшысының өсімдік шаруашылығы мәселелері жөніндегі орынбасары ретінде Құлекеев, сондай-ақ Кәсіпкерлер Елжан Елибай, Марат Дайрабаев және Дидар Молдақалық «Альбион» құлпынай көшеттерін сатып алғаны үшін мемлекеттік субсидиялар алғанын (оларды шаруа қожалықтарына рәсімдеу арқылы), бірақ субсидиялау ережелерін бұзғанын анықтады. Бұл соттың пікірінше алаяқтық. Бюджет қаражатын ұрлау және жеке қажеттіліктерге жұмсау фактілері дәлелденді, мемлекетке келтірілген залал 550 849 430 теңгені құрады, — делінген сот хабарламасында.

Айыпталушылардың кінәсі іс бойынша жиналған дәлелдемелермен дәлелденді: куәгерлердің айғақтары, бейнежазбалар, сарапшылардың қорытындылары. Алайда сотталушылар кінәсін мойындамады.

Тараз қаласы сотының шешімі бойынша мәжілісменнің ұлдарының мүлкі тәркіленіп, кез келген меншік нысанындағы ұйымдарда басшы лауазымдарды атқару құқығынан айырылды. Екеуі де пробациялық бақылаумен шартты түрде 5 жылға бас бостандығынан айырылды.

фото:  baq.kz