Жігітін зорлады деп айыптаған 18 жастағы қыздың үстінен іс қозғалды
Тәртіп сақшылары бойжеткенге біреуге жала жапқаны үшін жауапқа тартылатыны туралы ескерткен
Ресейдің Владикавказ өңірінде жас қыздың үстінен біреуге жала жапқаны үшін іс қозғалды. Бұл туралы Тергеу комитеті басқармасының сайтында хабарланған.
Тергеу мәліметіне сүйенсек, 18 жастағы бойжеткен ақпан айының басында полицияға «танысым зорлады» деп арыз берген. Құқық қорғаушылар жас қызға жалған арыз бергені үшін жауапқа тартылуы мүмкін екенін ескертеді.
Тексеру барысында қыздың өтірік айтқаны белгілі болды, танысы ешқандай қылмысқа бармаған болып шықты.
Жергілікті басылымдардың жазуынша, танысы деп отырған қыздың жігіті болса керек. Ол бойжеткеннің бұл арызын естіп аң-таң болған, негізінде екеуі бір-бірін ұнатып, көңіл қосқан екен.
Ресей заңы бойынша, қыз жала жапқаны үшін айыппұл төлеуі, түзету жұмысына салынуы немесе үш жылға дейін сотталуы мүмкін.
sputniknews.kz
