Жігер Ауыпбаев Tik-tok-ты жарған әнші баланы шәкірт етіп алмақ (видео)

0
1576

Жігер Ауыпбаев ертең қой бағатын әнші бала – Алматы облысы Кеген ауданы Бөлексаз ауылында тұратын 9-сынып оқушысы Кәден Айдоспен кездеспек, деп хабарлайды ЭК.

Өзінің айтуынша, Кәден Айдос бірінші сыныптан бастап ән айта бастаған.

Өзіме ұнайтын әндерді айтамын. Tik-tok-тағы видеолар бір апта бұрын түсірілді. Көршімнің үйіне барып, ән айттым. Содан тарап кетті. Мектеп бітірген соң Жүргенов атындағы өнер академиясына түссем деген ойым бар. Болашақта әнші болғым келеді,

— дейді жас өнерпаз.

Баланың әкесі қойшы екен. Сабақтан бос уақытта Кәден оған көмектеседі. Қой қайырып жүріп, кең далада зор даусымен ән айтады.

Жақында Кәден Айдосқа Жігер Ауыпбаев хабарласыпты.

Екі-үш күннен бері телефонмен хабарласып жүрміз. Ертең кездесеміз. Шәкірт етіп аламын деп уәде берді. Басқа әншілер де хабарласып жатыр. Олардың ішінде Қажымұрат Шешенқұл, Ұшқын Жамалбек бар,

— дейді Кәден.

Сондай ол әнші ағасы келіп: «Қойыңды таста, Алматыға кетеміз» десе, жолға шығуға тас-түйін дайын екенін де айтты.