Жетпіс адам Самара – Шымкент тас жолында жантүршігерлік апатқа түсті
Қысқа сілтеме алу
Апат кезінде автобуста Өзбекстан мен Тәжікстан азаматтары болған. Түрлі жарақат алған екі адам оқиға орнынан ауруханаға жеткізілді
НҰР-СҰЛТАН, 2 желтоқсан — Sputnik. Қазақстандағы Самара – Шымкент республикалық тас жолында автобус пен жүк көлігі бір-бірімен соқтығысып қалды, деп хабарлайды «Қазавтожол» ұлттық компаниясының баспасөз қызметі.
Алдын ала мәліметке сәйкес, Neoplan маркалы автобус жүргізушісі Daf маркалы жүк машинасымен соқтығысып қалған.
Апат бүгін, 2 желтоқсан күні Қызылорда облысы Шижаға ауылының маңында болды.
«72 адам – Өзбекстан мен Тәжікстан азаматтары эвакуацияланды. Оларға барлық қажетті көмек көрсетілді. Екі зардап шеккен азаматты жедел жәрдем дәрігерлері Арал аудандық орталық ауруханаға алып кетті. Болжам бойынша, олардың аяқтары сынған. Алдын ала ақпаратқа сай, жапа шеккендердің екеуі де – автобус жүргізушілері», – деп хабарлады «Қазавтожол» баспасөз қызметінің басшысы Маржан Ордабай.
Оның айтуынша, жүк көлігін тізгіндеген Өзбекстан азаматы зардап шекпеген. Қазір жол апатының мән-жайы анықталып жатыр.
Тағы оқыңыз: Ресейде автобус көпірден құлады: қаза тапқандар саны 15 адамға жетті
sputniknews.kz
