жеті көлік соқтығысып, бір адам ауруханаға түсті

0

НҰР-СҰЛТАН, 24 мамыр – Sputnik. Елордада бүгін ірі жол апаты болды. Жеті көлік соқтығысып, салдарынан бір жүргізуші ауруханаға түскен, деп хабарлайды Sputnik Қазақстан қалалық полиция департаментінің баспасөз қызметіне сілтеме жасап.

Нұр-Сұлтанда жүк көлігі мен микроавтобус соқтығысты: 11 адам зардап шекті  

Жол апаты Тұран даңғылы мен Керей-Жәнібек хандар көшесінің қиылысында сағат 11:30 шамасында болған.

Жүк көлігінің жүргізушісі бағдаршамда тұрған Газель көлігімен, кейін тағы 5 автокөлікпен соқтығысқан. Алдын ала болжам бойынша, жүргізушінің денсаулығы сыр берген.

«Қызылға» өтіп кеткен: Нұр-Сұлтанда автобус адамдарды қағып кетті

«Жүк көлігінің жүргізушісі ауруханаға жеткізілді. Жол апатының мән-жайы анықталып жатыр», — деп мәлімдеді баспасөз қызметінен.



sputniknews.kz