Home Жаңалықтар «Жертөледе есімді жидым»: Павлодарда жоғалған 12 жасар қыз табылды

«Жертөледе есімді жидым»: Павлодарда жоғалған 12 жасар қыз табылды

0
121
Сурет: Free-Photos

Павлодарда қоқыс төгуге шыққан 12 жастағы қыз жоғалып кетті. Кешке қарай ол үйіне өзі келіп, жертөледе есін жиғанын айтқан. Полиция осы оқиғаның мән-жайын анықтады, деп хабарлайды Sputnik Қазақстан.

Басылым мәліметінше, 22 наурызда кешкі сағат 18:20-да қалалық полиция бөлімшесіне 12 жасар қыздың жоғалғаны туралы ақпарат түскен. Баланы асырауына алған тәтесі оның қоқыс төгуге шыққанын, бірақ үйге келмегенін жеткізген. Осыдан кейін тәртіп сақшылары жасөспірімді іздеуге кіріседі.

Іздеу шараларына еріктілер де қосылған. Ал үш сағаттан кейін жоғалған қыз үйге өзі келіпті.  Ювеналды полиция қызметкерлері баламен сөйлесіп, одан не болғанын сұрайды. Ол есінен танып қалғанын, артынан гараж әлде жертөлеге ұқсас жерде есін жиғанын айтқан. Алайда нақты не болғанын түсіндіре алмағаны белгілі болды.

Мамандар қызды қарап шығып, ешқандай дене жарақатын таппады. Сөйтсе ол қоқыс шығарғанда қаланы араламақ болып кетіп қалған. Содан адасып, жол таба алмаған. Ал үйге келгесін тәтесінен қорқып, есінен танып қалғанын ойдан шығарып айта салған. Полицияның мәліметінше, бұған дейін де жасөспірім бірнеше рет рұқсатсыз үйден кетіп қалған.

1$, 5$, 10$... Тәуелсіз KzNews жобасына қолдау көрсету