«Жеңіс зымыраны» халықаралық ғарыш станциясына сәтті қондырылды – видео

0

Қоғам

Қысқа сілтеме алу

0 0 0

Әуе кемесі «Байқоңыр» ғарыш айлағынан бүгін таңертең ұшырылып, межелі жерге үш сағат жиырма минуттан кейін жетті

НҰР-СҰЛТАН, 25 сәуір – Sputnik. «Прогресс МС-14» көлік жүк кемесі Халықаралық ғарыш станциясына автоматты түрде қонып, экипажға азық-түлік, су, жанармай және басқа жүктерді жеткізді, деп хабарлайды Sputnik Қазақстан.

Әуе кемесі «Байқоңыр» ғарыш айлағынан сенбі күні, 25 сәуірде таңертең «Жеңіс зымыранымен» ұшырылды.

Тасымалдаушы Жеңістің 75 жылдығы логотипімен және жеңіс ордендерімен безендірілген.

  

«Прогресс МС-14» Халықаралық ғарыш станциясымен түйіскенге дейін үш сағат жиырма минут уақыт өтті.

Кемеде не бар

«Жеңіс зымыраны» ХҒС-қа екі тоннадан астам жүк жеткізді, оның ішінде 1,35 тонна азық-түлік, дәрі-дәрмек, экипажға арналған санитарлық-гигиеналық заттар, ХҒС борт жүйелеріне арналған жабдықтар және эксперименттер жүргізуге арналған аппаратура бар.

Сондай-ақ, «Прогресс МС-14 » кемесі 650 килограмм жанармай, 46 килограмм ауа мен оттегі, ауыз су тасымалдады.

Қазір ХҒС-қа ресейліктер Анатолий Иванишин мен Иван Вагнер, сондай-ақ Байқоңыр ғарыш айлағында коронавирусқа байланысты ұзақ уақыт карантинде отырған америкалық Кристофер Кэссиди ұшып жатыр.   



sputniknews.kz