Жеңілмеген қазақ боксшысы Алматыда чемпиондық белбеуге таласады
Қысқа сілтеме алу
Қазақ боксшысы Садриддин Ахмедов 24 наурызда WBC Asia чемпиондық титулы үшін жекпе-жекке шығады
АСТАНА, 11 наурыз — Sputnik. Жеңілмеген қазақ боксшысы Садриддин Ахмедов кәсіби рингтегі сегізінші жекпе-жегін өткізуге дайындалып жатыр.
Отандасымыз кезекті қарсыласымен Алматыда 24 наурызда жұдырықтасады.
Садриддин Ахмедов ұлтына қатысты сұрақтың нүктесін қойды
Ахмедов оқырмандарының есіне сала кеткендей, жекпе-жек «Алматы Арена» мұз сарайында болады. Қарсыласының кім екені әзірге құпия. Жекпе-жекте WBC Asia чемпиондық белбеуі таласқа түседі.
Садриддин Ахмедов – қазақстандық кәсіпқой боксшы. Кәсіби рингке тұңғыш рет былтыр шығып, жеті жекпе-жек өткізді. Барлық кездесуде 21 жастағы нокаутер қарсыластарынан басым түсті.
Қаңтар айында Ахмедов мексикалық Абрахам Хуаресті ұтып, орташа салмақ дәрежесінде WBC бойынша жастар арасында әлем чемпионы атанған.
sputniknews.kz
