Жаза жеңілдетілді: Сотталушыны зорлап, бала туғызған түрме қызметкері уақытынан бұрын бостандыққа шықты — Қазақстан жаңалықтары

0

Наталья Слекишина өзінің зорлаушысын бостандыққа шығарғанына наразы. Сотталған Наталья Слекишина айыпталушының түрмеге қайтаруды талап етеді, деп хабарлайды Stan.kz ақпарат агенттігі КТК арнасына сілтеме жасап.

Сотталушыны зорлап, бала туғызған түрме қызметкері мерзімінен бұрын бостандыққа шықты

Сотталушыны зорлады деп танылған тергеу изоляторының бұрынғы бақылаушысы Руслан Хакимовқа үкімді өзгертті. Ер адам өмірінің қалған бөлігін үнемі пробация органдарына есеп беріп өткізеді. Жәбірленуші мұнымен келіспейді, ол заңсыз босатылғанын дәлелдегісі келеді.

Наталья Слекишина төрт жыл бойы тергеу изоляторындағы қорлауды ұмытуға тырысқан. Бірақ жақында қылмыскердің босатылғанын білді.

«Әрине, таңғалып тұрмын. Ауыр қылмыстар үшін тоғыз жылға сотталады. Оның ісі үш баппен қаралды. Зорлау, азаптау және лауазымын асыра пайдалану бойынша. Барлығы дәлелденді. Енді оны босатып отыр. Мұндай болмау керек еді. Әрине, оған біреу көмектескен», — дейді жәбірленуші Наталья Слекишина.

Мұның бәрі төрт жыл бұрын, Слекишинаның өзі «Қарақшылық» бабы бойынша түрмеге түскен кезде болды. Слекишинаның айтуынша, түрмеде қорлау басталған. Азаптаушы лауазымын асыра пайдаланып, зорлық-зомбылық көрсеткен тергеу изоляторының төрт қызметкері айыпталды. Бірақ біреуі жазаланды, ол бақылаушы Руслан Хакимов. Сот анықтағандай, жәбірленуші қыз баланы өмірге әкелді. Әкесі екені дәлелденген Хакимов тоғыз жылға бас бостандығынан айырылды. Төрт жылдан кейін қалған мерзім бостандықты шектеуге ауыстырылды.

«Мұндай шара сот шешімімен жазаны өтеу кезеңінде үлгілі мінез-құлқы үшін қолданылуы мүмкін. Ол шартты түрде босатылған жоқ, бас бостандығынан айыру жазаның неғұрлым жеңіл түрімен ауыстырылды. Бұл оның жазасын өтеп жатқанын, бірақ бас бостандығынан айыруға байланысты емес екенін білдіреді», — дейді Қазақстан Республикасы ішкі істер министрлігі ішкі істер департаменті дирекциясының басшысы Қайрат Мурзашев.

Түрмедегі жанжалдан кейін Наталья Слекишина көпке танылып кетті. Енді елдің ең танымал тұтқыны сот белгілеген барлық өтемақыны алуға ниетті. Ол өзінің қызының биологиялық әкесінен әлі ештеңе алмағанын айтады. 

«Соттың үкімі бар. Қылмыстық іс аясында 3 миллионға дейін өтемақы және алимент өндірілу керек. 2016 жылдан бері алимент төлеген жоқ. Ол қалай босатылды?», — дейді Слекишина. 

Қылмыстық-атқару жүйесі комитеті сотталушы өзін жақсы ұстағанын, тіпті мемлекетке 270 мың теңгеден астам шығынын өтегенін айтады. Бірақ Слекишина қазірдің өзінде бас прокурорға шағымын дайындап жатыр. Әйел Хакимовты қайтадан түрмеге қаматуды қалайды.

Айта кетейік, оның өзі де түрмеге оралуы керек. Кішкентай қызы үшін ол бас бостандығынан айырылу жазасын кейін өтеуге мүмкіндік алған еді. 

Еске салсақ, түрмеден шыққан Слекишина, өзінің қызы мен оның әкесіне қатысты ойымен бөліскен болатын.

stan.kz