жасөспірім аттракционда аяғын сындырып алды

https://sputniknews.kz/images/586/37/5863771.jpg

https://sputniknews.kz/incidents/20200104/12455462/Koktobe-zhasospirim-attraksion.html

13 жастағы ұлдың халі тұрақты, қазір ол жедел жәрдем орталығында емделіп жатыр

АЛМАТЫ, 4 қаңтар — Sputnik. Жасөспірім Көктөбедегі аттракциондардың бірінде басын жарақаттап, аяғын сындырып алды. 

Бала ауруханаға жатқызылды, оның халі тұрақты.

«Дәрігерлер пациентті Алматыдағы балаларға арналған жедел медициналық көмек орталығына жеткізді. Ұлдың халі тұрақты, ол толығымен көмек алып жатыр», — деп мәлімдеді Алматының денсаулық сақтау басқармасы.

Атап өтсек, бұған дейін Facebook әлеуметтік желісінің пайдаланушысы Тимур Жаркенов «Рогатка» аттракционынан адам құлады» деп жазған болатын.

Тағы оқыңыз: Адам толы аттракцион қақ бөлініп, жерге құлады – қорқынышты видео

Алматы полиция департаменті баспасөз қызметінің мәліметінше, оқиға екінші қаңтарда болған.
Тәртіп сақшылары төтенше жағдай баланың ағаттығынан болған дейді. Ата-аналары ешкімге наразы емеспіз депті.