Жақсылық Үшкемпіровтің неден қайтыс болғаны белгілі болды
Олимпиада чемпионы кеше өмірден өтті.
Даңқты қазақ палуаны Жақсылық Үшкемпіров сырқаттанып жатып, өмірден өткен. Бұл туралы Қазақстан Президенті Қасым-Жомарт Тоқаев твиттер парақшасында жазды.
Олимпиада ойындарының чемпионы кеше өмірден өткен еді. Ол 69 жасында бақилық болды.
«Даңқты палуан, қоғам қайраткері Ж.Үшкемпіровтің қазасы туралы хабарды зор күйзеліспен қабылдадым. Осы дерттен қайтыс болған азаматтардың қазасы қабырғама батты. Коронавирус пен өкпе қабынуы салдарынан қайтыс болғандардың саны әлі де жоғары», — деп жазды президент.
Бүкіл әлемде пандемия өршіп тұр. Ол Қазақстанды да айналып өтпеді. Індет жүздеген еңбеккер мен зейнеткерді, қарттар мен жастарды, атақты азаматтарымыз бен қарапайым адамдарды арамыздан алып кетіп жатыр.
— Qasym-Jomart Toqayev (@TokayevKZ) August 3, 2020
vesti.kz