Жақсы көруді сұрамаймын, бірақ құрмет болса — Досаев алматылықтарға жүгінді

Ерболат Досаев алматылықтарды билікпен диалогқа түсуге, мәселені жолды жабу арқылы шешпеуге шақырды, — деп хабарлайды Kznews.kz тілшісі.

Алатау ауданының тұрғындарымен кездесуде қала әкіміне тұрғын жүгінді. Ол аудан әкімінің үстінен шағымданды: Азамат Қалдыбеков ақпанда қалалықтардың митинг өткіземіз деген тілегіне жауап бермегені, ол тек «полиция көлігін жібергені» айтылды. Нәтижесінде митингті жергілікті белсенділер тоқтатты, дейді аудан тұрғыны.

«Әкім халықтың алдына шығуы керек», – деді ол.

Бұған жауап ретінде Ерболат Досаев аудан әкімін жақтап, ол кабинетте тығылмайтынын, жедел есеп бойынша «ауданның әр жеріне жүгіріп жүретінін» айтты.

«Алатау – қаланың жаңа ауданы, жерді беруде көп мәселе туындады. Көп жұмыс істелді, әлі де көп нәрсе істеу керек. Адамдарды жинап, келіңіз, сұрақтар қойыңыз, біз жасаймыз.

Мен соңғы кездегі үрдісті байқаймын – Мемлекет басшысына өтініш жасап, жолдарды жауып тастау, бірақ қалада бұған жол бермеймін. Жолдарды жабу заңға қайшы, басқаларға кедергі боласыздар. «Жолды жапсақ, билік қайда барады, өздері келіп шешеді» дегенді естимін. Олай емес, мәселелерді жоспарлағандай шешеміз. Мені тыңдағандарыңызды қалаймын: егер билікпен диалог болса, бұл қалыпты жағдай. Мені әкім ретінде жақсы көруді сұрамаймын, бірақ билік өкілі ретінде құрмет болса – соны қалаймын», — деді ол.