«Жақсы көремін»: Ділназ Ахмадиева павлодарлық сүйіктісін таныстырды  — Қазақстан жаңалықтары

0

Алғашқы некесі сәтсіз аяқталған Ділназ Ахмадиеваға жеке өміріне қатысты сауалдар жиі жолданады. «Тұрмысқа шығатын кез келді, бала табуың керек» — дәл осы сынды пікірлерден әнші шаршаған. Әйткенмен Ахмадиева бүгінде бақытты. 

Қазіргі жігіті жайлы әнші «Түнгі студия» бағдарламасында айтып берді, деп жазады Stan.kz.

«Аты — Азильхан, Павлодар қаласынан келген жігіт. Өзі музыкант және әнші.

Жақсы көремін бұл жігітті. Той қашан екенін білмеймін», — деді Ахмадиева.

Ділназ өзі Азильдо деп еркелететін азаматты не үшін жақсы көретінін бір ғана сөзбен түсіндірді. 

«Еркек», — деп қысқа қайырды ол.

Бұдан бөлек, өнер иесі Қанат Сыбановпен бірігіп түсірген клипі жайлы айтты.

«Қанат 5 жыл бойы артымнан қалмады. Ақырында дуэт пайда болды. Ол кезде ән жоқ еді. Тек осы өлең ғана бізге жарасты», — дейді Ахмадиева. 

Айта кетейік, аталған әнді кезінде Мұрат Насыров орындаған. Ділназ бұған дейін де марқұмның әйгілі «Я это ты» әнін халыққа жаңаша нұсқада ұсынған болатын. 


 

stan.kz