Жапония қарулы күштері 7,5 мың ауру шошқаны жоюға кірісті

0

2018 жылғы 25 желтоқсан 08:40 242

Жапония қарулы күштері 7,5 мың ауру шошқаны жоюға кірісті

ТОКИО. ҚазАқпарат — Жапония қарулы күштерінің бөлімшелері елдің негізгі аралы Хонсю орталығындағы Сэки қаласына жіберілді. Оларға шамамен 7,5 мың шошқаны жоюға бұйрық берілген, деп хабарлайды ҚазАқпарат Kyodo агенттігіне сілтеме жасап.

Бұл елде белең алған шошқа тырысқағының таралуына тосқауыл қою шараларының бірі.

Агенттік таратқан хабарларға қарағанда, Гифу префектурасына осымен алтыншы рет індет тарап отыр. Осыған байланысты Жапония премьер-министрінің кеңсесінде дағдарыс штабы құрылды.

Еске сала кетейік, 1992 жылы елдің оңтүстік-батысындағы Кумамото префектурасында ел тарихындағы ең ауқымды індет тараған болатын. 2007 жылы шошқа тырысқағының түбірімен жойылғаны туралы жарияланған.

Айта кетейік, тырысқақтың осы түрі шошқалар мен қабандар үшін қатер төндіреді, бірақ адам үшін қауіпті емес.

 

 

Дереккөз: https://www.inform.kz/kz