Жанель Мақажан өзінен 8 жас кіші күйеуімен қалай қосылғанын айтты

0
1486

Алғашқы некесі сәтсіз аяқталғаннан кейін, екі баламен жалғыз қалған Жанель оларды аяққа тұрғызуды ойлайды. Жеті жыл үйде отырып қалғандықтан, бар ойы – жұмысқа тұрып, перзенттеріне жарқын болашақ сыйлау.
«Екінші рет тұрмыс құрамын, оның үстіне өзімнен 8 жас кіші жігітке шығамын» деген ой үш ұйықтаса түсіне кірмеген. Дегенмен Жанель іштей тілеп, іздеген азаматын тапқанын сенімді түрде мәлімдеді.
Бұл туралы kznews.kz сайты stan.kz ақпарат агенттігіне сілтеме жасап хабарлайды.

Актер Абай Асылхан жары Жанель Мақажаннан 8 жасқа кіші. Екеуі танысқанда Жанель екі балалы актриса болса, Абай – қарапайым студент.

«Мен Әуезов театрында жұмыс істеп жүрдім. Ал ол астанадан Алматыға келіп, екеуміз бір рет суретке түстік. Бір жылдан кейін бір концертті бірге жүргіздік. Әрі қарай таныстығымыз жалғасып, Instagram желісінде бір-бірімізді оқи бастадық. Бір кездері мен оны вайныма шақырдым. Артық ой болмады. Кәдімгі әріптес ретінде бірге жұмыс істеп жүрдік.

Былтыр елордадан Алматыға командасымен көшіп келді. Оның алдында мен астанаға барып, екеуміз бірге поэзиялық видео түсірдік. Бір күн ішінде Бурабайға барып келдік. Сол кезде жолда отырғанда арамызда бір ұшқын пайда болғанын сездім. Кейін, айтуынша, ол да сол сәтте бірдеңе сезген екен», – дейді Жанель Мақажан.

Алматыда кездескен әріптестер жақсы досқа айналады. Бірге жұмыс істеп, арада уақыт өткен соң, достық сезімнің қалай махаббатқа айналғанын байқамайды. Алайда бас қосу туралы шешім қабылдағанда көпшілік, әсіресе Абайдың жақындары қарсы болған көрінеді.