Жанболат Мамайдың жұбайына үлкен көлемде айыппұл салынды

0

Сәрсенбі күні сот тіркелмеген Демократиялық партияның белсендісі Инга Иманбайға «рұқсат етілмеген митинг ұйымдастырғаны үшін» 70 АЕК (1 АЕК = 3180 теңге) көлемінде әкімшілік айыппұл салды, деп хабарлады адвокат Ернар Кенжебаев.

«Әкімшілік сот аяқталды, оған 488-баптың 12-бөлігі «Бейбіт митингілерді қайталап өткізу туралы заңды бұзғаны үшін» 70 АЕК көлемінде айыппұл салынды», — деді Кенжебаев.

Оның айтуынша, елорда күні митингіге қатысқан Демократиялық партияның бірнеше жақтастарына да айыппұл салынған. Бұған дейін Демократиялық партияның белсенділері қамаудағы әріптестері, соның ішінде Инга Иманбай, Аружан Дүйсебаеваны ұрып-соққанын мәлімдеген.

«Тұтқындау кезінде олар оны итеріп жіберген. Ал олар қатты соққы нәтижесінде арқасын жарақаттап алған.  Кейін Инга ауруханаға жеткізіліп, тиісті анықтама жасалып, Медеу АІІБ-не жеткізілді», — деп түсіндірді адвокат Кенжебаев.

Сәрсенбі күні түстен кейін Демократиялық партияның жиырмаға жуық жақтастары бұрынғы президент Нұрсұлтан Назарбаевтың туған күні — Астана күні Алматыдағы Абай ескерткішінің алдына жиналды.  Олар Назарбаевты соттауды және ақпан айының соңынан бері қамауда отырған партия жетекшісі Жанболат Мамайды босатуды талап етті.  Бірнеше минуттан кейін СОБР қызметкерлері оларды ұстап, Медеу полиция бөліміне жеткізді.