Жанар Дұғалова қазақ жігіттерінің намысына тиген сурет жариялады

Желі қолданушылары бұл сурет қазақ жігіттерінің намысына тиеді деп есептейді

НҰР-СҰЛТАН, 25 тамыз — Sputnik. Танымал қазақстандық әнші Жанар Дұғалованың әлеуметтік желіде жариялаған суреті жұрттың қызу талқысына түсті.

Жанар Дұғалова Instagram-дағы жеке парақшасында қара нәсілді жігітпен түскен суретпен бөліскен.

«Джозайя досымның өнеріне қатты тәнтімін. Ойнамайтын аспабы жоқ. Бұл дарынды баладан үйренерім көп екен», — деп жазған әнші.

Бірақ бұл сурет желі қолданушыларының ашуын тудырған секілді. «Мына отырысы қазақ жігіттерінің намысына тиетінін түсіне ме екен?», «Неге қазақтың сұлу қызы шетелдіктің жанында жалаңаш отырып алып, оны мақтап отыр?», «Қазақ қызы, намыс қайда? Ұят қайда? Ар қайда?», «Жанар, сенің өнеріңді сыйлаймын, бірақ басқа ұлттың алдында бұлай отырмашы. Қазақ қыздары намысты болсын!», «Жабық киім киюге болмай ма?» деген пікірлер жазып қалдырған. Дегенмен, әншіге қолдау білдіргендер де бар. Олар жұрттың мұндай сөздеріне мән бермей, өнерімен әрі қарай қуанта беруін сұраған.