Жаңа оқу жылында оқушылар қалай демалады – министрлік кесте жариялады

0
1

Бұйрыққа сәйкес, оқу жылы 1 қыркүйектен бастап 34 аптаға созылады ( 1-сынып оқушылары 33 апта оқитын болады)

Sputnik. Білім және ғылым министрлігі жаңа оқу жылында оқушылар қалай демалатынын айтты.

2020 жылдың 13 тамызындағы бұйрыққа сәйкес, мынадай мерзімдер анықталған:

  • 2020-2021 оқу жылының басталуы – 1 қыркүйек 2020 жыл;
  • 1-сынып оқушылары 33 апта оқитын болады, 2-11 (12) сыныптар – 34 апта.

Оқу жылының демалыс кестесі:

1-11 (12) сыныптар: күзгі каникул – 10 күн (5-14 қараша (қоса есептегенде) 2020 жыл ), қысқы – 11 күн (31 желтоқсан 2020 жыл – 10 қаңтар 2021 жыл), көктемгі демалыс – 12 күн (20-31 наурыз 2021 жыл);

1-сыныптарда: қосымша демалыс – 7 күн (8-14 ақпан 2021 жыл).

Бұған дейін білім министрі Асхат Аймағамбетов қашықтан оқуға қарамастан, оқушылардың демалысы өзгеріссіз қалатынын айтқан еді.

«Қашықтан оқуға қарамастан, балалар қатты шаршайды. Сондықтан каникул кестесі өзгертілмейді», – деді министр.

1 қыркүйектен бастап оқушылар қашықтан оқитын болады. Бастауыш сынып оқушылары үшін мектепте кезекші класс қарастырылған.

Загрузка...

ПІКІР ҚАЛДЫРУ

Пікіріңізді енгізіңіз!
мұнда сіздің атыңызды енгізіңіз