Жамбылда мұғалімдерді ақша төлеп концертке баруға мәжбүрлеген
Бұл туралы журналист Гүлмира Әбіқай жазды. Оған Жамбыл облысы, Қордай ауданынан мынадай хат келген:
«Айбек Қайбұлла деген бір әнші Қордайға келеді екен. Билеттері өтпей жатыр. Соның концертіне енді біз мұғалімдер ақша жинауымыз керек. Неге? Қордай Аудандық Білім Бөлімінің тапсырмасы. Неге мектептерге бөліп тастайды, билеті өтпесе де біз кінәліміз бе? Қайырымдылық концерт болса бір жөн.
Болмайтын нәрсеге ақша жинататын, оның бәрі жай екенін түсінемін, бірақ неге білім бөлімі міндеттейді бізге? Қайырымдылық концерт болса, жетімдер үйінен келіп концерт қойса баратын едік, мектептерге осылай бөліп тастайды, барсаң да, бармасаң да жинап бересің», — делінген хабарламада.
фото: caravan.kz
