Жамбыл облысында табиғат қорғау саласының экс-басшылары сотталды
Қысқа сілтеме алу
Жамбыл облысының табиғи ресурстар саласының бірқатар басшысы сыбайлас жемқорлық қылмыстары үшін сотталды
НҰР-СҰЛТАН, 27 қараша – Sputnik. Облыстың сыбайлас жемқорлыққа қарсы қызметі лауазымын асырған Жамбыл облысы әкімдігінің табиғи ресурстар және табиғатты пайдалануды реттеу басқарма басшысының орынбасары М.М.Заурбеков пен Қосқұдық ормандарды және жануарлар әлемін қорғау мекемесінің басшысы Н.Д.Нұрмолдаевқа қатысты қылмыстық істі аяқтады.
Шенеуніктер не үшін айыпталды
Бір топ адам алдын ала келісім бойынша Луговой, Сарысу, Ақыртөбе, Мойынқұм, Бурыл-Байтал ормандар мен жануарлар әлемін қорғау мекемелері территориясында орман құрылысы жұмыстарын нақты орындамастан «Шыңбота» ЖШС директоры Н.С.Солтаевқа 6 млн 221 мың теңге көлеміндегі бюджет қаржысын аударғаны үшін күдікке ілінді.
Мемлекеттік қызметкерлер мен кәсіпкер қандай мерзімге сотталды
Биылғы жылдың 25 қарашасында Тараз қаласының №2 сотымен аталған тұлғалар айыпты болып танылды:
Басқарма басшысының орынбасары М.М.Заурбековке – лауазымдық өкілеттікті асыра пайдаланғаны үшін өмір бойы мемлекеттік қызметте белгілі бір лауазымдарды атқару құқығынан айыра отырып, төрт жылға бас бостандығынан айыру жазасы берілді;
Тағы оқыңыз: Алматыда судья сотталды — 45 миллион теңге айыппұл төлейді
Қосқұдық мекемесінің басшысы Н.Д.Нұрмолдаевқа – лауазымдық өкілеттікті асыра пайдалану және қызметтік жалғандығы үшін өмір бойы мемлекеттік қызметте белгілі бір лауазымдарды атқару құқығынан айыра отырып, төрт жылға бас бостандығын шектеу жазасы белгіленді;
«Шыңбота» ЖШС директоры Н.С.Солтаевқа – бөтеннің ірі көлемдегі мүлкін иемдену және талан-таражға салғаны үшін мемлекеттік қызметке арналған тауарлар, жұмыстар, қызмет көрсету саласында мемлекеттік сатып алумен айналысу құқығынан айыра отырып, үш жылға бас бостандығын шектеу жазасы тағайындалды.
sputniknews.kz
