Жәкішевтің бостандықтағы өмірін жазған балалары жұрттың жүрегін елжіретті — Қазақстан жаңалықтары

Мұхтар Жәкішевтің отбасы оның бостандыққа шыққаннан кейінгі өмірі туралы айтты, деп хабарлайды Stan.kz ақпарат агенттігі. 

«Әкемнің үйде болғанына екі апта болды, бұл сондай аз және 11 жылғы қамаудан кейін соншалықты көп. Біз ешнәрсені жіберіп алмауға тырысамыз, кіші балалар әкемді қайта танып жатқандай. Ал ол бостандықта өмір сүруді үйреніп жатыр. Біз байқамайтын және бағаламайтын көптеген керемет нәрсе бар — әкем, енді, ваннаны қабылдай алады, таңғы асқа жұмыртқа жейді, аулада велосипедпен серуендейді. Мұның бәрі қарапайым нәрсе сияқты, ал әкем үшін олар 11 жыл ішінде бірінші рет болып жатыр. Біз әр күнімізді бірге өткізіп жатырмыз: тамақ ішіп, спортпен шұғылданып, әкемнің қасындағы орын үшін таласып, ең бастысы — сөйлесеміз. Уақыт бойынша қатаң шектеулерсіз, торлары бар терезесіз мен бөтен адамдарсыз», — деп жазды Жәкішевтің балалары Facebook-тегі парақшасында.

Олардың жазуынша, Мұхтар Жәкішев осы жылдар бойы оған қолдау көрсеткен адамдар туралы ұмытпаған.

«Карантин менің әкемнің босатылуымен тұспа-тұс келгендіктен, біз оған SIM картасы мен телефон сатып ала алмадық. Өздеріңіз білетіндей, қазір азық-түліктен басқа ештеңе сатып алуға болмайды. Сондықтан әкемді телефонға, әлеуметтік желілерге және т.б. үйрету сәл баяулады. Осыған қарамастан, біз әкемге эфирге шығуға көмектесеміз», — деді олар.

Жәкішевтің отбасы әлеуметтік желі қолданушыларынан талқылағысы келетін сұрақтарын немесе тақырыптарын алдын-ала жазуды сұрады.

«Осылайша, тікелей эфир тиімді болады және әкем қысқа мерзімде мүмкіндігінше көптеген сұрақтарға жауап бере алады, өйткені денсаулығына байланысты ол тікелей эфирде ұзақ уақыт бола алмайды», — деп қорытындылады Жәкішевтің балалары.

Тікелей эфир 8 наурыз күні сағат 15:00-ге жоспарланған. Сұрақтар 7 сәуір күні алдын ала таңдап алынады.