Зеленский: Украина ешқашан өз тәуелсіздігін ешнәрсемен алмастырмайды

0
0

Ресей Украинаның орыс тілді аймақтары оның мемлекетті бөлу жоспарын қолдайды деп үміттенген, бірақ бұл орыс тілді украиндардың патриотизміне байланысты болмады. Мұндай пікірді президент Владимир Зеленский айтты.

Украина президенті Владимир Зеленский «Politico Europe» басылымына берген сұхбатында Кремль Украинада КСРО-ны қайтару жоспарын жүзеге асыруда қателік жіберді деген пікір білдірді. Сұхбаттың стенограммасын Украина президентінің сайты жариялады.

«Кремль Кеңес Одағын қайтарғысы келеді. Біз мұны жақсы түсінеміз. Ақпараттық саясат негізделетін әрқашан екі «әлсіз жер» бар – дін және тіл. Бұл нәрселер қоғамды не біріктіреді, не бөледі. Ресейдің осындай саясаты бар», – деді Зеленский.

Ол Украинаның демократиялық, либералды, унитарлы мемлекет екенін еске түсірді, мұнда мемлекеттік тіл – украин тілі. Оның үстіне көптеген адамдар орыс, поляк, венгр, румын және болгар тілдерінде сөйлейді.

«Тілдің айналасында ешкім біріктірілмейді және бұл соғыс басталған кезде, Донбасс басып алынған кезде айтылған болатын. Мысалы, көпшілігі орысша сөйлейтін Днепр мен Днепропетровск облысында олар Ресей саясатына қосылып, қақтығыстарды ушықтырып, Украинада бөлініп кететін сияқты көрінді. Бұл менің туған жерім. Ол жерде Украинаның ұлы патриоттары тұрады деп айтқым келеді. Бұл біздің елге қатысты Кремльдің үлкен, қайғылы қателігі болды», – деді Украина президенті.

Ол Кеңес Одағына оралғысы келетін қате саясат адамдарды жеккөрушілік жағдайына жеткізгенін баса айтты. «Бұл бәрібір болмайды деп сенемін. Украина ешқашан өз тәуелсіздігін ештеңемен алмастырмайды», – деп қосты Зеленский.

2014 жылы Ресей Қырымды аннексиялағаннан кейін Украинаның шығысында қарулы басқыншылық жасады. Ұрыс бір жағынан Украина Қарулы Күштері мен екінші жағынан Ресей армиясы мен Донецк және Луганск облыстарының бір бөлігін бақылайтын Ресей қолдаған содырлар арасында жүреді. Ресей келтірген фактілер мен дәлелдемелерге қарамастан Ресей өзінің Украинаға басып кіруін ресми түрде мойындамайды.

Керімсал Жұбатқанов

Загрузка...

ПІКІР ҚАЛДЫРУ

Пікіріңізді енгізіңіз!
мұнда сіздің атыңызды енгізіңіз