Заңсыз майнерлердің сыбайлас адамдары анықталды
«Заңсыз майнерлер Қазақстанның тұңғыш президенті Нұрсұлтан Назарбаев пен Мәжілістің экс-спикері Нұрлан Нығматулиннің айналасындағы адамдармен байланыста болып шықты» — деп хабарлайды KZNEWS.KZ сайты Kaz.orda.kz-ке сілтеме жасай отырып.
«Өз қызметін тоқтатқан майнинг компанияларының арасында Павлодар облысындағы белгілі кәсіпкерлер Болат Назарбаев пен Александр Клебановтың, Ақтөбеде «QazaqGaz» Ұлттық компаниясы» АҚ басқарма төрағасы Қайрат Шәріпбаевтың, Қарағанды облысындағы белгілі кәсіпкерлердің бірі Ерлан Нығматулиннің үлестес фирмалары бар» деп хабарлады Қаржы мониторингі агенттігі.
Болат Назарбаев – тұңғыш президент Назарбаевтың ағасы. Клебанов – оның сенімді адамы. Шәріпбаев – тұңғыш президенттің қызы Дариға Назарбаеваның азаматтық некедегі күйеуі. Ерлан Нығматулин – Нұрлан Нығматулиннің ағасы.
«Қабылданған профилактикалық іс-шаралар нәтижесінде 55 майнинг нысаны өз еркімен жұмысын тоқтатты. Олар жұмысты толығымен тоқтатып, техниканы бөлшектеп, орналасқан орындарынан алып шықты. Мүдделі мемлекеттік органдармен бірлесе отырып, аталған жабдықтың қайталама айналымға тартылуын болдырмау бойынша жұмыстар жүргізілуде» деп толықтырды агенттік.
