Ыстанбұлда көшенің қақ ортасына әскери тікұшақ құлады — Жаһан
Ыстанбұлда әскери тікұшақ апатқа ұшырады, — деп хабарлайды Tengrinews.kz тілшісі РИА Новости агенттігіне сілтеме жасап.
Агенттіктің мәліметінше, апат салдарынан үш адам қаза тауып, біреуі жараланған. Оқиға Санджактепе ауданында болды.
«Тікұшақ Фыртына көшесіне құлаған, әдетте ол жерде адам көп жүреді. Алайда апат болған сәтте ол жерде ешкім болмаған», — делінген жарияланымда.
Алдын ала мәлімет бойынша, әскери тікұшақтың бортында болған үш адам көз жұмды.
