Вирустың қайта өршуіне дайындалу керек – Маман
Елімізде карантин шаралары тек бір сатыға жеңілдеді. Яғни толық жойылып кеткен жоқ.
«Демек, осы сәтті ұтымды пайдалану қажет», — дейді «Аман-саулық» қоғамдық қорының президенті Бақыт Түменова.
Маманның айтуынша, осы кезеңде азаматтар дәрігерге тексеріліп, өз денсаулығын қалыпқа келтіріп алу керек. Себебі күз айларында індет қайта өршуі мүмкін.
Бақыт Түменова «Аман-саулық» қоғамдық қорының президенті:
— Таза ауада көбірек тыныстау керек. Темекі өнімдерін тұтынатындар болса осы әдеттен арылуға ұмтылуы тиіс. Карантиннің жеңілдеуімен біраз мекемелер де жұмысын қайта бастайды. Осы сәтті пайдаланып, қандай да бір сырқаты бар адамдар дәрігерге қаралуы қажет. Күз айларында вирус қайта тарала бастағанда барлығына дайын болуымыз қажет.
24.kz
