Ватикан 88 жастағы Рим Папасының денсаулығына қатысты мәлімдеме жасады
Рим-католик шіркеуінің қартайған жетекшісінің денсаулығы қоғамды көптен бері алаңдатып келген, деп хабарлайды Euronews
Рим Папасы Франциск құлап, оң қолын жарақаттап алды. Ватикан бұл жаңалықты понтификтің иегі жарақаттап алған оқиғадан кейін бірнеше апта өткен соң жариялады.
Қасиетті тақ өкілінің айтуынша, Рим Папасының ешбір сүйегі сынбағанымен, ол сақтық үшін таңғыш қолданып жүр.
— Рим Папасы Францисктің оң жақ жіліншігі соғылған. Қолы сақтық шарасы ретінде қимылсыз күйге келтірілді, — делінген Ватикан мәлімдемесінде.
Бұрыннан бронхитке шалдыққан 88 жастағы понтификтің тізелері ауыратындықтан ол мүгедектер арбасын жиі пайдаланады, ал Санта-Мартадағы пәтерінде таяқ немесе жақтауға сүйеніп жүруіне тура келеді.
Ватиканның хабарлауынша, ол бейсенбі күні үйде құлаған. Кейінірек Франциск аудиенцияларға оң қолын таңып келіп жүрді.
Ватикан орталарында Рим Папасының денсаулығына қатысты болжамдар тұрақты құбылыс болды.
Дегенмен, Франциск өзінен бұрынғы Папа Бенедикт XVI мұндай мүмкіндіктің «есігін ашқанына» қарамастан, отставкаға кету жоспары жоқ екенін мәлімдеді.
Франциск осы аптаның басында жарық көрген «Үміт» атты өмірбаянында ішегіне жасалған күрделі отадан кейін де отставкаға кету туралы ойламағанын айтты.
Бенедикт 600 жылдық дәстүрді бұзып, 2013 жылы Рим Папасы қызметінен кетті.
Бұрынғы Рим папасының көмекшілері бұл шешімді 2012 жылы Мексикаға сапары кезінде түнде құлауымен байланыстырды. Олардың айтуынша, бұл жағдай оны бұдан былай папалық сапар кестесіне шыдай алмайтынына сендірді.
2024 жылдың көктемінде Рим Папасы Франциск өзінің жалпы ауденциясы кезінде Орталық Азия елдерінің көптеген аймақтарына әсер еткен және мыңдаған адамды эвакуациялануға мәжбүр еткен Қазақстандағы жаппай су тасқынынан зардап шеккендер үшін дұға етуге шақырды.
2024 жылғы 19 қаңтарда Мемлекет басшысы Рим Папасының шақыруымен Қасиетті Таққа алғашқы ресми сапарын жасады.
