Вашингтонда коронавирус эпидемиясына байланысты төтенше жағдай режимі енгізілді
Вашингтон штатында коронавирустан бір адам көз жұмды. Барлығы АҚШ-та 71 азамат коронаврус жұқтырған
НҰР-СҰЛТАН, 1 наурыз — Sputnik. АҚШ-тың Вашингтон штатында коронавирустың таралуына байланысты төтенше жағдай режимі енгізілді, деп хабарлады штаттың губернаторы Джей Инсли.
Губернатордың кеңесі COVID-19 коронавирусының таралуына байланысты экономиканы сақтау және қалпына келтіруге қажет қажетті ресурстардың тізімін жасады.
Вашингтон шатында кеше коронавирустан бір адам көз жұмған еді.
It is a sad day as we learn a Washingtonian has died from COVID-19. Our hearts go out to his family and friends.
We are strengthening our preparedness and response efforts to keep Washingtonians healthy, safe and informed.
Full statement: https://t.co/F3xn4afjG5 pic.twitter.com/yTG6omGcLI
— Governor Jay Inslee (@GovInslee) February 29, 2020
Жаңа іс-шаралар кешенінде қаржылық, экспорттық қолдау, сонымен қатар жұмыс берушілер мен қызметкерлерге көмек көрсету қарастырылған.
Ресми деректер бойынша АҚШ-та 71 адам коронавирус жұқтырған және бір адам қайтыс болды.
Коронавирус эпидемиясы
Жалпы, әлемде COVID-19 коронавирусын жұқтырғандар саны өсіп келеді, соңғы деректер бойынша 86,5 мың адамнан асты, деп хабарлайды South China Morning Post газеті.
Қытайда дертке шалдыққандар саны 79 824 адам болса, басқа елдерде науқастардың саны 6,7 мың адамға жетті.
Қытайдан тыс жерде коронавирустан көз жұмғандар саны бір тәулікте 88-ден 109 адамға жетті: 43 адам Иранда, 29 адам Италияда, 17 адам Оңтүстік Креяда, 11 адам Жапонияда (оның төртеуі Diamond Princess круиз лайнерінің жолаушысы), екі адамнан Гонконг пен Франция, бір адамнан АҚШ, Ұлыбритания, Эквадор, Тайвань мен Филиппинде қайтыс болды.
Ең көп науқас Оңтүстік Кореяда — 3 150 адам, Жапонияда – 947 адам, оның 705-і Diamond Princess лайнерінің жолаушылары және экипаж мүшелері, Италияда — 1 128, Иранда – 593.
Қытайдағы вирустың жаңа түрі өткен жылдың желтоқсан айында белгілі болды. Ел билігі Дүниежүзілік денсаулық сақтау ұйымына Ухань қаласында (Хубэй провинциясы) белгісіз пневмонияның өршуі туралы хабарлады. ДДҰ індетті халықаралық маңызы бар төтенше жағдай деп танып, оған Covid-19 деген ресми атау берді.
sputniknews.kz
