Үштөбедегі жантүршігерлік зорлау оқиғасы: Екі ер адам әйелдің үйіне басып ойына келгенін істеген

0
1304
Сурет: www.pravmir.ru

Алматы облысының Үштөбе қаласында 33 жастағы әйелді ұрып-соғып, зорлаған екі айыпталушыға қатысты сот процесі аяқталды. Сот үкімі туралы «НеМолчиKz» қорының Дина Тансари Facebook парақшасында жазды.

Қор өкілдері барлық сот тыңдауларына қатысқан.

Қылмыс 2020 жылдың қазан айында болды. Мас екі ер адам түнде әйелдің үйіне кіріп, зорлаған. Әйел өзін қорғауға тырысып, екі зорлаушыға жеңіл пышақ жарақатын салған. Осылайша, ол қашып құтылып, туыстарына көмек сұрай алған.

Полиция күдіктілердің екеуін де ұстады және қылмыстық кодекстің 120-бабының екінші бөлігі – «Зорлау» және 121-бабының бірінші бөлігі – «Сексуалдық сипаттағы зорлық-зомбылық» бойынша тергеу жүргізді.

Аудандық сотта сот процесінің қорытындылары туралы айтты.

«Екеуі де айыпты мойындамады және ақтауды сұрады. Бірақ іс бойынша жиналған дәлелдемелерді ескере отырып, сот айыпталушылардың бірін 9 жыл 6 айға, екіншісін 10 жылға бас бостандығынан айырды», – деп хабарлады Қаратал аудандық сотының баспасөз қызметі.

Прокурор сотталушыларды 10 және 11 жылға бас бостандығынан айыруды сұраған. Алайда, сот жекелеген жеңілдететін жағдайларды ескерді (ер адамдардың бірінің асырауында балалар болған).

Сот үкімі әлі заңды күшіне енген жоқ.