ҰҚК Ақмола облысының төрт тұрғынын ұстады
Бұл факт қылмыстық кодекстің 297-бабы 3-бөлігі бойынша сотқа дейінгі бірыңғай тізімге тіркелді. Сотқа дейінгі тергеу жүргізіліп жатыр
НҰР-СҰЛТАН, 5 желтоқсан – Sputnik. Ұлттық қауіпсіздік комитетінің Ақмола облысы бойынша департаменті есірткі тасымалдау тобы әрекетінің жолын кесті. Олар астанадан «PVP» синтетикалық есірткісін жеткізудің өңірлік каналын ұйымдастырған.
©
Photo : ҚР ҰҚК ресми сайтынан алынды
ҰҚК Ақмола облысының төрт тұрғынын ұстады
2019 жылдың 6 қарашасындағы жедел-іздестіру шарасын жүргізу нәтижесінде Ақмола облысының аумағында әлеуметтік желілер мен интернет-ресурстар арқылы синтетикалық есірткі өткізуге қатысы бар Ақмола облысының төрт тұрғыны ұсталды», — деп жазылған Ұлттық қауіпсіздік комитетінің сайтында.
Ұсталғандардың тұрғылықты жерлері бойынша 300 г астам «PVP» (пиролидиновалерофенон) синтетикалық есірткісі, алынған заттардың қалдықтары бар ыдыстар, оларды орауға арналған полиэтилен пакеттері, есірткі тұтынуға арналған құрылғылар және электронды таразы алынды.
Тағы оқыңыз: Қылмыс үстінде ұсталды – ҰҚК арнайы операция өткізді
Бұл факт қылмыстық кодекстің 297-бабы 3-бөлігі бойынша сотқа дейінгі бірыңғай тізімге тіркелді. Ұсталғандар Көкшетау қаласы полиция бөлімінің уақытша ұстау изоляторына қамалды. Сотқа дейінгі тергеу жүргізіліп жатыр.
sputniknews.kz
