Ұлы дала мұрасы | «Айқын» газеті

Елбасы «Ұлы даланың жеті қыры» атты мақаласында Дала өркениетінің адамзат дамуына қосқан теңдессіз үлесі бар екенін көрсетіп берді.

Адамзатты әуелі түркі, кейіннен қазақ мә­дениеті өзінің терең де бай екенімен, әлем­нің далалық келбеті көрініс тапқан да­налық сәулет өнерімен, халықтық қолданбалы ­өнер­дің жауһарларымен, киелі ғимарат­та­ры­мен, салт-дәстүрлері мен әдет-ғұрыптары­ тәнті етті.
Ұлы дала туған мәдениеттер жүйелі түрде зер­деленіп, қазіргі заманғы мәдениетте, сәу­лет өнерінде және басқа да салаларда неғұр­лым кең қолданылып отыр.
«Рухани жаңғыру» бағдарламасын жүзеге асы­ру арқылы, мәдени-тарихи мұраны сақтау, ұлт­тың рухани жаңаруы аясында Ұлы дала құн­дылықтары ерекше маңызға ие болды.
Көшпенділердің Ұлы даланы және ай­на­ла­сындағы әлемді құндылық тұрғысынан ба­ға­лау ерекшеліктерін, материалдық игі­ліктерін жинақтаумен қатар, оларды еркіндік пен рухани дамудан да іздестіруіміз қажет. Мұны Мемлекет басшысы мақаласында айқын көрсетіп берді.
Сан ғасырлық Ұлы дала мұрасын қазіргі ұр­пақтың және болашақтың жадында қал­дыру үшін, цифрлы өркениет жағдайында түсі­нікті әрі сұранысқа ие болуын қамтамасыз ете отырып, тарихи сананы жаңғыртуымыз ке­регі мақалада орынды айтылған.
Мақалада тарихи сананы одан ары жаң­ғырту мақсатында алты бағыттағы бірнеше ірі жо­ба қарастырылған.
Атап айтсақ, «Архив – 2025», «Ұлы дала­ның ұлы есімдері», «Түркі әлемінің генезисі», «Ұлы даланың ежелгі өнер және технологиялар музейі», «Дала фольклоры мен музыкасының мың жылы» және «Тарихтың кино өнері мен те­левизиядағы көрінісі».
Ұлтымызға ұйытқы болар осы ауқымды ша­ралардың өз деңгейінде орындалуы заман та­лабына сай туындаған өркениет талап­та­рына сайма-сай және мемлекет ретінде ілгері басуымызға жол ашары анық.

Төлеміс КҮЛМҰХАМЕДОВ,
Еуразиялық интеграция
институтының директоры