Ұлттық парк аумағынан небәрі 35 гектар жер жалға берілді – экология вице-министрі

0
3
Advertisement

Қоғам

Қысқа сілтеме алу

0 0 0

Алматы іргесіндегі Іле-Алатауы ұлттық паркінің дамуын бақылайтын қоғамдық кеңес құру туралы шешім қабылданды

НҰР-СҰЛТАН, 8 маусым – Sputnik. Экология геология және табиғи ресусртар вице-министрі Ерлан Нысанбаев Іле-Алатауы ұлттық паркіне қарасты жер қоршалмайды және күрделі құрылыстар жүргізілмейді деп мәлімдеді. Ол мұндай пікірді өзінің Facebook-тегі парақшасында жазды, деп хабарлайды Sputnik Қазақстан.

«Апта бойы Алматы жұртшылығымен, белсенділермен, журналистермен кездестік. Халықтың барлық талап-тілегі ескеріледі. Нəтижесінде ұлттық парк жанында қоғамдық кеңес құратын болып шештік», – деп жазады Нысанбаев.

Вице-миинстрдің айтуынша, 2019-2025 жылдарға арналған туристік саланы дамытудың мемлекеттік бағдарламасы шеңберінде шетелдік, оның ішінде АҚШ-тың табысты тəжірибесі негізінде ұлттық паркті дамытудың бас жоспары жасалды.

«Сондай-ақ, тендер жариялау арқылы қоршаған ортаға зиян келтірмей ұлттық парктің инфрақұрылымын дамыту міндетін мойнына алған отандық инвестор анықталды», – деді ол.

Нысанбаев өз сөзінде ұлттық парктің қазіргі жай-күйіне де тоқталды.

«Ұлттық парктің қазіргі жағдайын өздеріңіз көріп отырсыздар: кəуапхана, абажадай мейрамханалар, сапасыз қызмет, сүреңсіз көріністер. Жағдайды түбірімен өзгертпей болмайды. Бірінші орында адам мен табиғаттың байланысы тұруы тиіс», – деді вице-министр.

Ол бұл жерлерде жолдарды жөндеп, көру алаңдары мен өзен үстіндегі көпірлер, табиғи үндестікті бұзбайтын шағын нысандар салыну керектігін ескертті.

«Осының бəрін жолға қою үшін қазақстандық инвесторге жалға небәрі 35 гектар жер учаскесі пайдалануға берілді. Жер банкке кепілге қойылмайды және күрделі құрылыс салынып, қоршалмайды. Сондай-ақ ұлттық парк аумағынан ешқандай жер сатылмайды, бұған заңмен тыйым салынған», ­- деді Нысанбаев.

Сонымен қатар ол қазақстандық инвестордың барлық жұмыстарды сапалы түрде орындауы халықпен бірге қадағаланатынын да атап өтті.

Оқи отырыңыз: Бурабай мен Көк Жайлаудағы жерлердің бір бөлігі мемлекетке қайтарылады

Жақын күндері туристік инфрақұрылымды дамытуға қатысты бірқатар мәселелерді қоғамдық талқылаудан өткізу жоспарланып отыр.

«Осы талқылауда заңды және экологиялық сараптама жүргізуге қатысты тиісті барлық құжаттарды жұртшылық назарына ұсынуға дайынбыз. Осылайша, біз көпшілікпен бірге қоғамдық бақылау жүргізе отырып, табиғаты тамаша жерлерімізді мәдени демалыс орнына айналдырып, ұрпаққа қалдыра аламыз деген сенімдемін», – деді вице-министр.



sputniknews.kz

Ең соңғы жаңалықтарды KzNews.KZ телеграм каналынан оқи аласыз! Телефоныңызға тікелей келетін ақпаратқа жазылыңыз. 

 
Загрузка...

ПІКІР ҚАЛДЫРУ

Пікіріңізді енгізіңіз!
мұнда сіздің атыңызды енгізіңіз