Ұлттық кеңес отырысы: Тоқаев жастар мәселесін көтерді
Қысқа сілтеме алу
Мемлекет басшысы белсенді жастарға жағдай жасалатынын айтты
НҰР-СҰЛТАН, 6 қыркүйек — Sputnik. Ұлттық қоғамдық сенім кеңесінің алғашқы кеңесінде президент Қасым-Жомарт Тоқаев жастар мәселесін көтерді, деп хабарлайды Sputnik Қазақстан тілшісі.
«Бүгінде технологиялар, экономика мен әлеуметтік тәртіп өзгеріп жатыр. Ең бастысы, адамзаттың тұрмыс салты түбегейлі өзгеріп келеді. Жастардың дүниетанымы да трансформацияға ұшырап жатыр. Олар үлкен саяси және технологиялық өзгерістер дәуірінде өз орнын табуға тырысады. Әрине, жастардың бәрі бірдей емес», — деді Тоқаев.
Президенттің айтуынша, жастардың бір тобы мәдениет мен өнерді қаласа, енді біреулер бизнеске жақын жүреді. Мемлекеттік қызметте жүрген жастар да аз емес.
Тағы оқыңыз: Тоқаев халықтың Қытайға қарсы наразылығы туралы не ойлайтынын айтты
«Түк істегі келмейтіндер де бар… Ондайлар бұған дейін болды және әлі де болады. Мен президент ретінде белсенді әрі нақты мақсатқа ұмтылған жастарға жағдай жасап, осы қиын өмірде өз орнын табуға көмектесуді көздеймін. Осыған байланысты біз бизнес ашуға, мұқтаж балаларға тегін білім алуға жағдай жасап, дарынды жастарды іздеп, жас басқарушылардың кадрлық резервін жасақтап жатырмыз. Оларға биліктің тізгінін тапсырамыз»,— деді Тоқаев.
Айта кетейік, Нұр-Сұлтанда биыл Тоқаевтың жарлығымен маусымда құрылған ұлттық қоғамдық сенім кеңесінің алғашқы отырысы өтіп жатыр.
sputniknews.kz
