Украина – «Кеңес дәуірінің туындысы» – Путин

0
537

Ресей президенті Владимир Путин қазіргі Украинаны «Кеңес дәуірінің туындысы» деп санайды. Оның пікірінше, ол тарихи Ресей есебінен құрылды. Путин мақаласында Донецк-Кривой Рог республикасын Украинаның құрамында болуға сендірген 1918 жылы Владимир Ленин болғандығы айтылады.

Бұл республика қазіргі оңтүстік-шығыс облыстардың аумағында жарияланды. 1939 жылы Польша бөлінгеннен кейін Батыс Украина жерлері Украина КСР, 1940 жылы – Бессарабия және Солтүстік Буковина, 1948 жылы – Қара теңіздегі Змеиный аралы, ал 1954 жылы – Қырым құрамына енді.

Сонымен қатар, ол 1945 жылы Закарпатье Украинасының РСФСР-ге кіруді немесе Кеңес Одағына жеке республика ретінде қосылуды жақтағанын, бірақ ол Украина КСР-нің құрамына енгенін еске түсірді.

«Осылайша, қазіргі Украина – бұл толығымен кеңес дәуірінің туындысы. Ол көп жағдайда тарихи Ресейдің есебінен жасалғанын білеміз және есте сақтаймыз. XVII ғасырда қай жерлер Ресей мемлекетімен қайта қосылғанын және Украина КСР-і қай территориялармен Кеңес Одағынан шыққандығын салыстыру жеткілікті», – деді Путин.

Естеріңізге сала кетейік, бұған дейін Кремль Украинаны тәуелді мемлекет деп атаған, оны «Батыстың сыртқы бақылауындағы мемлекет деп айтқан еді.

Былтыр, Ресей Мемлекеттік Думасының депутаты В. Жириновский бұрынғы КСРО-ның барлық территорияларын Ресейге қайтаруға шақырды. Ресейлік саясаткер ТМД аумағындағы соңғы большевик Беларусь басшысы Александр Лукашенконың билік қолыннан кетіп бара жатқанын айтты.

Оның пікірінше, қазір бұл республикада болып жатқанның бәрі – кеңестік жүйенің мұрасы.

«Беларусьте болып жатқанның бәрі кеңес саясатының мұрасы. Біріншіден, КСРО республикаларға бөлінді, қатаң саяси режимнің көмегімен 70 жыл бойы бірге болды. Соңғы 30 жыл бойы біз есептедік – олар біздің орбитада қалуы керек еді, ал бұл олай болмады», – деді Жириновский.

Ресей Либералды-демократиялық партиясының төрағасы сөйлесудің уақыты өтіп кеткеніне сенімді.

«Енді қатал әрекет ету керек – КСРО-ны саяси режим ретінде емес, барлық аумақтарды қайтару керек. Ешқандай республикаларға жол жоқ. Барлығы Ресейдің құрамында болу керек», – дейді.

2020 жылдың маусым айында Ресей телевизиясына берген сұхбатында Ресей басшысы Владимир Путин бұрынғы КСРО елдері бұл бірлестіктен шыққаннан кейін Ресей халқынан жерді сыйлыққа алды деп мәлімдеген болатын.

Көп ұзамай, Қазақстан да «кеңес дәуірінің туындысы» екенін Никоновтың, Федоровтың және басқа да ресейлік саясаткерлер мен саяси үгітшілердің аузынан естуге болады. Жалпы, екінші жартыжылдық жоғарыда аталған саясаткерлердің түрлі жынды мәлімдемелерімен әлек болады.

Керімсал Жұбатқанов, Қазақ-Орыс халықаралық университетінің доценті, тарих ғылымдарының кандидаты