Түркістан облысында жүкті әйелінің бет сүйегін сындырып, кеудесіне пышақ сұққан отағасы бостандықта қалады

0
901

Түркістан облысы Келес аудандық соты денсаулыққа аса ауыр қауіп төндірген 1993 жылғы Б. Қайратқа үкім шығарды.

Ер адам 24 қазан түні қатты мас әрі көңіл күйі болмай тұрып жүкті әйелін соққыға жыққан. Сол түні әйелдің бет сүйегі сынып, миы шайқалған. Алайда ер адам мұнымен тоқтамай қолына пышақ алып, кеуде тұсына сұғып алады.

Әйел адам осыдан кейін ғана жедел жәрдем шақырады. Медицина қызметкерлері жағдайды дұрыс бағалап, ер адамға полиция шақырады.

Қайрат сотта кінәсін толық мойындап, кешірім сұрады. Әйел адам оған жаны ашып кешірім берді. Сот ер адамды 3 жылға бас бостандығынан айырды. Ол осы уақыт аралығында пробациялық бақылауда болады.

Сондай-ақ, сот оны 6810 және 55 560 теңге көлемінде материалдық шығын өтеуді міндеттеді.

Үкім әлі заңды күшіне енбеді.