Түркістан облысында жол апатынан төрт адам қаза тапты

0

29 мамырда Түркістан облысы Сарыағаш ауданында екі көлік соқтығысып, төрт адам қайтыс болды. Екі жолаушы аудандық ауруханаға жеткізілді. Бұл туралы облыстық полиция департаментінің баспасөз хатшысы Салтанат Қаракөзова хабарлады.

Қаракөзованың айтуынша, қайғылы оқиға 29 мамыр таңертең Жетісай-Жібек жолы тас жолында болған. «Лада» маркалы автокөліктің жүргізушісі қарсы бағыттағы жолға шығып кетіп, «Фольксваген-пассат” автокөлігімен соқтығысқан. Екі көліктің жүргізушісі мен екі жолаушы оқиға орнында қайтыс болған. Оқиғаға байланысты тергеу басталып, бірнеше сараптама тағайындалған.

Түркістан облыстық полиция департаменттің дерегінше, жыл басынан бері облыста 337 жол апаты болған. Салдарынан 85 адам қайтыс болып, 463 адам жарақаттанған.

Сәуірде Қазақстан президенті Қасым-Жомарт Тоқаев елде жол апаты азаймай тұрғанын айтып, үкіметке жол апатын азайту үшін шаралар қабылдауды тапсырған.

Eurostat дерегінше, Қазақстан әлем бойынша жол апаты көп болатын бес елдің қатарына енеді.

Azattyq

Загрузка...

ПІКІР ҚАЛДЫРУ

Пікіріңізді енгізіңіз!
мұнда сіздің атыңызды енгізіңіз