Түркістан облысында бірнеше жылдан бері іздеуде жүрген екі қылмыскер ұсталды — Қазақстан жаңалықтары

0

Түркістан облысы ПД криминалдық полиция қызметкерлері ауыр қылмыс жасағаны үшін іздеуде жүрген екі қылмыскерді тапты, деп хабарлайды Stan.kz ақпарат агенттігі полиция департаментінің баспасөз қызметіне сілтеме жасап.

Күніне 2 854 теңге: Қазақстанда зейнеткерлер мен өмір бойына сотталғандар бірдей қаражатқа өмір сүреді

Түркістан облысы ПД басшысының орынбасары полиция подполковнигі Құрманбек Саховтың хабарлауынша, Кентау қаласының ПД-не ауруханадан пышақ жарақатымен жас жігіттің жеткізілгені жөнінде хабарлама келген. Жәбірленуші Кентау қаласындағы кафелердің бірінде жарақат алған екен. Осы жағдай бойынша 2005 жылы ҚР ҚК 106-бабы 2-бөліміне сәйкес қылмыстық іс қозғалып, күдіктіге іздеу жарияланды. Қылмыскер қашып жүрген.

«Осы жылдар бойы полиция қызметкерлері жедел-іздестіру шараларын тоқтатқан жоқ. Олар таныстар шеңберін және жасырынған қылмыскер тұратын мекенжайды анықтады. 15 жылдан кейін полиция қызметкерлері іздестіріліп жатқан ер адамның ізіне шығып, оны Түркістан облысының бір елді мекенінен ұстады.

Сондай-ақ 2015 жылы Түркістан қаласының ПД-не жас әйелдің зорланғаны жөнінде арыз келіп түскен. Осы оқиға бойынша полицияда ҚР ҚК-нің 120-бабы бойынша қылмыстық іс қозғалды. Алайда, қылмыскер қылмыстық қудалаудан жасырынып үлгерген. Бес жыл бойы 35 жастағы ер адамды іздестіру ісі жүргізілді. 2020 жылы мамыр айының ортасында Түркістандық жедел уәкілдер Кентау қаласының маңындағы саяжай алқабында күдіктіні ұстады. Тергеу барысында полицейлер оның осы уақыт аралығында Павлодар облысында жасырынғанын анықтады. Ол жақта да осыған ұқсас қылмыс жасап, оқушы қызды жәбірлеп, туған өлкесіне қайта оралған. Зорлықшы тергеу изоляторында және жақын арада Павлодар облысына этаппен апарылады. Онда оған қатысты біздің әріптестеріміз сотқа дейінгі тергеу амалдарын жүргізіп, кәмелетке толмағандарға қатысты зорлық-зомбылық жасау жайты бойынша істі сотқа жібереді», — дейді Құрманбек Сахов.
 

stan.kz