Түрікменстанда арақ-шарап сатуға тыйым салатын заң күшіне енді

Түрікменстанда жаңа жылдың алғашқы күнінен бастап ішімдік сатуға шектеу қоятын заң өз күшіне енді. Жаңа ережеге сәйкес, бұдан былай ұшақта, пойызда, паромда, спорт кешендерінде арақ-шарап сатуға тыйым салынады деп жазады Centralasian.org.

Халқының саны 5,6 миллион болатын мемлекетте енді ұлттық мерекелерде де алкоголь өнімдерін саудалауға болмайды.

Ал 2021 жылдан бастап сенбі-жексенбі күндерінде бар мен мейрамханалардан басқа жерлерде ішімдік сатуға шектеу қойылмақ.

Ел президенті Гурбангулы Бердімұхамедов 2025 жылға қарай темекі сатуды да шектейтін заң қабылдайтынын алға тартқан.