«Түкіргенім бар»: Елеусіновті жеңген боксшы пікір білдірді
Ирландиялық боксшы бүгін қазақстандық Дәурен Елеусіновті техникалық нокаутпен жеңді деп хабарлайды Kznews.kz тілшісі.
16 наурызда Madison Square Garden аренасында Уолш Елеусіновті техникалық нокаутпен жеңді. Жекпе-жекте бірінші орта салмақтағы WBC Continental Americas белбеуі сарапқа салынды.
Жекпе-жектен кейін Каллумнан осы жеңістің арқасында WBC рейтингінің ТОП-10-дығына кіретіні туралы пікірін сұрады. «Патша» лақап атымен танымал боксшы қазір 14-орында тұр.
«Түкіргенім бар. Маған жекпе-жекке шығуға көбірек мүмкіндік беріңіздер. Көбірек жекпе-жек, көбірек қарсылас. Мен шаршы алаңға шығып, Ирландия халқына шоу жасаймын. Ол менің қолымнан ылғи да келеді. Сонымен келесі кім?!» — деді ол.
Естеріңізге сала кетейік, Каллум Уолш Геннадий Головкинмен бірге жұмыс істеген танымал промоутер Том Леффлермен жұмыс істейді.
