Трендке айналған “Шайн мускат” жүзімі зиян ба? — Министрлік зерттеу нәтижесімен бөлісті

“Шайн Мускат” атауымен танымал жүзім соңғы уақытта трендке айналды. Алайда оның құрамы туралы талас әлі күнге дейін шешімін таппай келеді. Осыған байланысты тексеруді ауыл шаруашылығы министрі Айдарбек Сапаров тапсырды.

АШМ ведомство басшысының тапсырмасы бойынша өсімдіктер карантині орталығының мамандары «шайн мускат» жүзім үлгілеріне сараптама жүргізгенін хабарлады.

Ауыл шаруашылығы министрлігінің мәліметінше, мамандар жүзімнен зиянды заттар таппаған. Сондай-ақ,» Шайн мускат » нитраттардың құрамына тексерілді, оның нәтижелері бойынша өнімдегі нитраттардың мөлшері 13,7 мг/кг құрады, бұл осы өнім үшін рұқсат етілген көрсеткіш болып табылады.

Бұған дейін ауыл шаруашылығы министрі Айдарбек Сапаровтан “танымал корейлік «Шайн мускат» жүзімі қазақстандықтардың денсаулығына зиян келтіре ала ма?” деп сұраған еді. Министрлік жүзім құрамын міндетті түрде тексеретініне уәде еткен.

«Корей» жүзімі TikTok-та жарияланған бейнежазбалар арқылы кеңінен танылды. Бұл жүзімді жасау үшін жапондық селекционерлер «акицу-21», «Александрия мускаты» және «хакунан»сорттарын будандастырған. Нәтижесінде Shine Muscat еуропалық және жапондық сорттардың гибридіне айналды: тарихи тұрғыдан фермерлерге жапон климатында еуропалық жүзімдң өсіру өте қиынға соғыпты.

Жапониядан «Шайн мускат» Оңтүстік Корея мен Қытайға, сол жерден біздің елге экспортталады.

Жүзім жидектері өте үлкен. Оның серпімді, сәл қытырлақ құрылымы және тәтті дәмі бар. Сондай-ақ оның дәнектері жоқ. ҚР дүкендері мен базарларындағы баға жүзім трендке айналғалы 4 мыңнан 8 мың теңгеге дейін өзгерді.

фото: vinograd-krasohina.ru