«Тоқаевтың ауызашары»: Талдықорған мен басқа қалаларда президент атынан ауызашар берілді

0
127
Фото stan.kz сайтынан алынды

Талдықорғандағы мейрамханалардың бірінде Қасым-Жомарт Тоқаевтың атынан мұсылмандар үшін ауызашар өткізген, деп хабарлайды kznews.kz сайты Stan.kz ақпарат агенттігіне сілтеме жасап.

Әлеуметтік желіде аталған ауызашардың видеосы тараған. Видеода Талдықорғандағы ең үлкен мейрамхананың залы мен жайылған дастархан көрінеді.

«Еліміздің президенті Қасым-Жомарт Тоқаевтың тапсырмасы бойынша екі күн қатарынан 500 адамға арналған ауызашар өтіп жатыр», – дейді видеодағы ер адам.

Сондай-ақ мемлекет басшысының тапсырмасымен Шымкентте ауызашар өткені хабарланды.

Мемлекеттік органдар ресми түсініктеме бермеген. Алайда Талдықорған қаласының бас имамы Алмас Сағидолла бұл мәліметті растады.

«Қасиетті Рамазан айында еліміздің әр өңірінде Қазақстан президенті Қасым-Жомарт Тоқаевтың тапсырмасы бойынша 1000 ораза ұстаған мұсылманға ауызашар беріліп жатыр. Талдықорған қаласында 1000 адамдық мейрамхана болмағандықтан, 500 адамдық (ең үлкен) мейрамхана таңдалды. Ауызашар екі күн қатарынан өтті. Келіп, бірақ сыймай қалғандардың барлығын көшеден тамақтандырдық», – деді имам Sputnik Қазақстан-ға берген түсініктемесінде.