Тоқаев жаңа энергетика министрін Ақордаға шақырды
Қысқа сілтеме алу
https://sputniknews.kz/images/1227/02/12270292.jpg
Sputnik Қазақстан
https://sputniknews.kz/politics/20191219/12333453/Toqaev-energetika-ministri.html
Президент Нұрлан Ноғаевқа халықты электр қуатымен, газбен және жылумен қамтамасыз етуге баса көңіл бөлуді тапсырды
НҰР-СҰЛТАН, 19 желтоқсан – Sputnik. Мемлекет басшысы Қасым-Жомарт Тоқаев энергетика министрі Нұрлан Ноғаевты қабылдады, деп хабарлады Ақорданың баспасөз қызметі.
«Кездесу барысында президент энергетика министрлігінің алдында тұрған мақсат-міндеттердің маңыздылығы туралы айтып, халықты электр қуатымен, газбен және жылумен қамтамасыз етуге баса көңіл бөлуді тапсырды», – деп жазылған хабарламада.
Сонымен қатар мұнай-газ және энергетика салаларындағы әлемдік және отандық ірі компаниялармен өзара ықпалдастық орнату мәселесі қарастырылды.
Кездесу қорытындысы бойынша мемлекет басшысы бірқатар нақты тапсырма берді.
Тағы оқыңыз: Ноғаев энергетика министрі болды
Естеріңізге сала кетейік, кеше мемлекет басшысы Нұрлан Ноғаевты Қазақстанның энергетика министрі қызметіне тағайындау туралы жарлыққа қол қойды. Атырау облысының экс-әкімі президенттің кеңесшісі болып кеткен Қанат Бозымбаевтың орнына келді.
sputniknews.kz
