Тоқаев Зеленскийге құттықтау жеделхатын жолдады
Қысқа сілтеме алу
Украина орталық сайлау комитетінің ақпаратынша, Владимир Зеленский президент сайлауында сайлаушылардың 73,17% даусына ие болды
НҰР-СҰЛТАН, 22 сәуір – Sputnik. Қазақстан президенті Қасым-Жомарт Тоқаев Владимир Зеленскийге құттықтау жеделхатын жолдады, деп хабарлайды Sputnik Қазақстан.
Владимир Зеленскийге Президент сайлауындағы айқын жеңісімен құттықтап, Украинаның игілігі жолындағы еңбегіне табыс тілеп, жеделхат жолдадым.
— Qasym-Jomart Toqayev (@TokayevKZ) 22 апреля 2019 г.
«Владимир Зеленскийге президент сайлауындағы айқын жеңісімен құттықтап, Украинаның игілігі жолындағы еңбегіне табыс тілеп, жеделхат жолдадым», — деп жазды Тоқаев твиттердегі парақшасында.
Зеленскийдің жеңісі
Айта кетсек, 21 сәуір күні Украинада президент сайлауының екінші туры өтті.
Тағы оқыңыз: Зеленский президент ретінде алға қойған бірінші мақсатын атады
Украина орталық сайлау комиссиясының ақпаратынша, сайлау бюллетеньдерінің 95,06%-і өңделген. Екінші турдың қорытындысы бойынша сайлаушылардың 73,17%-і шоумен Владимир Зеленскийге, 24,66%-і қазіргі президенті Петр Порошенкоға дауыс берген.
Тағы оқыңыз: «Сайлауға түсуіне қарсы болған» Владимир Зеленскийдің әйелі туралы не білеміз?
Львов облысынан басқа, елдегі барлық дерлік сайлаушы өз даусын Зеленскийге беріпті. Ал Львов облысында Петр Порошенко сайлаушылардың 62%-ін, ал Зеленский 34%-ін жинаған.
ОСК мәліметінше, сайлау бюлллетеньдерінің 2,32%-і жарамсыз деп танылды.
sputniknews.kz
