Тоқаев уақытша президент қызметін атқарады
Қазақстанда уақытша президент қызметін Қасым-Жомарт Тоқаев атқарады. Бұл туралы 19 наурызда Нұрсұлтан Назарбаев орталық телеарналар арқылы мәлімдеді. Ол өз сөзінде өкілеттілігін тоқтататынын айтты.
Назарбаев мәлімдемесінде «Тоқаев — ел басқаруға лайық адам» деді.
Назарбаев «сайлау кезінде сенген» халыққа алғыс айтты. Ол «Нұр Отан» партиясының жетекшісі және Қауіпсіздік кеңесінің төрағасы болып қала беретінін мәлімдеді.
Нұрсұлтан Назарбаев отыз жылдан бері Қазақстанды басқарып келген.
