Тоқаев Қазақстанға көмек көрсеткен қытай миллиардеріне алғыс білдірді
Қысқа сілтеме алу
Қазақстан президенті Қасым-Жомарт Тоқаев қазіргі жағдайда тілектестік үлкен маңызға ие деген пікірде
НҰР-СҰЛТАН, 11 сәуір – Sputnik. Мемлекет басшысы Қасым-Жомарт Тоқаев атақты кәсіпкер Джек Маға Қазақстанға гуманитарлық көмек көрсеткені үшін алғыс айтты. Бұл туралы президент өзінің Twitter-дегі парақшасында жазды.
«Әлемге танымал кәсіпкер және халқымыздың жақсы досы Джек Ма мырзаға менің еліме молынан гуманитарлық көмек көрсеткені үшін шын жүректен алғыс айтамын», — деп атап өтті Тоқаев.
I sincerely thank Mr Jack Ma, worldwide known entrepreneur and good friend of our people, for his generous humanitarian assistance to my country. He in fact has shown that solidarity matters a lot in these extremely complex circumstances. Together we shall definitely overcome.
— Qasym-Jomart Toqayev (@TokayevKZ) April 11, 2020
Мемлекет басшысының пікірінше, Джек Ма осындай өте қиын жағдайларда тілектестіктің маңызы зор екенін көрсетті.
«Біз бірге міндетті түрде жеңіске жетеміз», — деп түйіндеді Қазақстан президенті.
Естеріңізге сала кетейік, 10 сәуірде миллиардер Джек Маның қоры мен Alibaba Қазақстанға медициналық қорғаныс құралдарын жіберген болатын.
Оқи отырыңыз: Қытай Қазақстанға дәрігерлерін жіберіп жатыр
4,5 тонна болатын гуманитарлық жүктің ішінде 500 мың түрлі медициналық маска, 5 мың қорғаныш костюм, 50 мың медициналық қолғап, сондай-ақ термометрлер бар.
Сонымен қатар, алдағы күндері Қазақстанға СOVID-19 вирусын анықтайтын экспресс-тесттер мен жасанды тыныс алу аппараттары жеткізілмек.
sputniknews.kz
