Тоқаев Өзбекстанға мемлекеттік сапармен барады — Қазақстан жаңалықтары

14-15 сәуірде ҚР президенті Қасым-Жомарт Тоқаев Өзбекстан Республикасына алғашқы мемлекеттік сапармен барады, деп хабарлайды Stan.kz Ақ ордаың баспасөз қызметіне сілтеме жасап.

Мемлекет басшысы Өзбекстан президенті Шавкат Мирзияевпен келіссөздер барысында сауда-экономикалық, әлеуметтік-гуманитарлық және транзиттік-көлік ынтымақтастығын одан әрі нығайтуға бағытталған екіжақты ынтымақтастықтың өзекті мәселелерін талқылайды. Екі ел басшысы, сондай-ақ аймақтық және халықаралық күн тәртібіндегі өзекті тақырыптарды да талқыға алмақ.

Бұл келіссөз барысында бірқатар маңызды құжаттарға қол қою жоспарланып отыр.

Бұдан басқа, Тоқаев пен Мирзияев Өзбекстандағы Қазақстан жылының ашылуына қатысады.